香港回歸十五年，本應該已經實行的雙普選，一拖再拖，政府不是由人民選出來，就可以任意妄為，官商勾結，民不聊生。 眼見我們這些普通市民沒有一點制衡政府的方法，就只餘示威一途。 二零一零年七月一日，就是我第一次走上街頭參加示威遊行。 我一向有收聽人網節目，當天他們直播七一遊行，走在環仔軒尼斯道行車路上的我邊行邊聽。 而當日就是我第一次聽到黃洋達的聲音。 從我的 iPhone 耳筒傳來的只有不停重覆的一段說話：曾蔭權食屎，曾偉雄食屎 ……. 雖則我都想佢地食屎，但當你不停咁只係聽到呢句話，就算你無論係幾鐘意聽都好，真係會聽到有想嘔 ……… ！
究竟呢個咩人黎既呢？ 把聲又唔係好聽，滿面鬍鬚又唔係生得靚仔，後來才知道佢都係人網主持"皇上有話兒"。 有日聽完哂其他節目，又坐係架巴士度無其他野好做，咁就 download 黎聽吓囉。 嘿 …….. 又幾好聽喎，政治分析得頭頭事道，句句到肉時又講得好鬼馬，有時侯聽完佢的節目，連平時積累下來的憤怒都好像宣洩了幾分。 唔似得其他人避重就輕，不溫不火，講到想訓著一樣．
後來，佢做了一件震動網台界的大事，竟然夠膽死做晨早節目。 網台喎，堅係網民先會聽架啦，邊有網民晨早流流上網聽你做節目架，唔好話係朝早，連夜晚做嗰啲節目都係 download 落黎聽架啦。 仲要改個名做早朝天下，囂張得佢呢。 但係你又真係估佢唔到，又俾佢成功做到喎，一開始就已經千幾二千人聽Live，仲越黎越多人聽，搞到其他電台都要走黎高薪挖角添！
就係咁，由七一街頭，皇上有話兒，到早朝天下，直至今天加入佢一手成立的"熱血公民"，搞到而家每個星期六日都要企係九龍東街頭幫他助選，係高樓大廈之間，氣車癈氣包圍之中，好天曬，落雨淋．
我知道必定有人認為，熱血公民只不過是一班血氣方剛，所謂腦荀都未生埋的後生仔女組成，而主要的活動就係搞示威遊行。 如果你真係咁唸，你就真係大錯特錯。 熱血公民由六歲至六十歲，藍領白領，社工，主婦，學生，專業人任，文化人，藝術家，宅男，腐女，乜人都有，就係缺乏有組織能力的人。 有些人會以為我們激進，暴力，示威例必衝鐵馬，但係我想話你知，我們每次以熱血公民參加示威，都係排隊尾最後出發。 人多就自然逼，逼就難免互相碰撞，但唔好話撞，只要是輕輕掂到，平均我們都會向對方講三次對唔住，兩次SORRY。 如果你說我們只懂示威，毫無見樹，我們又去過山頭野領種樹，去過公共屋邨探訪老人，幫過還未被領匯逼走的小商戶義務出書賣廣告。 只要是我們知道的，力能所及的，我們就會想辦法幫手，我並非說只有熱血公民才會做這些事，當然很多組織都一樣有做，但斷估你未聽過有一個組織，係出發活動之前，會把一切令人聯想到熱血公民的標誌，飾物拆走。 大佬呀，我知道沽名釣譽係唔好，但係幫人唔使幫到好似做賊咁架。 不過，你可以話我們天真又好，就算係死蠢都好，但係做人最緊要正直這句話，唔係講完就算，而係我們真的可以做得到！
原來的我，與大部份香港人沒什麼分別，對每件事都可能有意見，不過大多數時間都只想做一個旁觀者，更加認為政治是一件非常混濁骯髒的事。 我媽曾經是社區活躍份仔，與幾位志同道合者搞了個義工團體，只想助人自助。 眼見終於都做出了一點成果，社區關係網絡大了，就給大心人盯上，最終都逃不過被政黨組織蠶食，變質成搵着數，出風頭之地，我媽不想淌這混水，最終意興欄柵退出收場。 前車可鑑，就莫講話真的要參與其中了。 但是，黃洋達帶頭成立的熱血公民令我看到一絲希望，從成立第一天起，熱血公民就不是一個義工團體， 我甚至覺得並非是一個組織，我們每一個人都熱愛香港，珍惜香港的生活文化，愛身邊的每一個人，而因為愛，令我們集合起來，盡一份力量去保護這個我們珍惜的地方，保護我們身邊的每一個人，這就是熱血公民，而我們相信每一個真正的香港市民，最終都必定會是熱血公民！
如果你和我們一樣，對香港還有希望，還愛香港這個地方，請你運用手裡重要的一票，投給最有戰鬥力的人，九龍東八號黃洋達，送他入議會，為民發聲，為民充權。 九月九日，改朝換代！
沒有留言:
發佈留言