童話真人版，其實無唸過入場睇，多謝耶撚，反而勾起我興趣入場。
睇落又真係幾好睇喎，有笑位有感動位。 既然連我都覺得感動，就真係非常感動。
故事裡面有一本書，可以帶人去佢心裡最想去既地方。
野獸話呢本書係女巫對人最大既懲罰，BELLE 唔明，戲外的我一樣都唔明。
原來大部份人真心想回去的地方，好多時都係同回憶有關係，而最刻骨銘心既地方，最想去既地方，多數都唔會係乜野好地方。
所以，BELLE 雀躍而去，悲傷回來。
童話故事當然係大團圓結局，亦只可以係大團圓結局。 不過，如果唔係女巫網開一面，錯過了最後限期的兩人，只能是悲劇收場。
所以，都係嗰幾句。。。
你愛呀，愛你就要講呀嘛，你唔講，我又點知你愛呢。
時間不等人，回頭已是百年身。
