只反貪官，不反皇帝，死路一條。

如果去悼念李旺陽先生，我會去。  如果要我參加集會替李旺陽伸冤，恕小弟不能奉陪了。 幾十年來中共害死幾多人？  大躍進，文革，貪污，強拆，多不勝數。 可以替幾多人伸冤，而且向邊個伸冤？ 向中共這個獨裁政權？ 不要惹人發笑了吧。  要做，就直接推翻共產黨，破舊立新。  只反貪官，不反皇帝，這就是到今天中國還沒有民主自由的原因！

三十幾歲人先至黎企街 之二

早晨，我地係黃洋達團隊！

晨早流流，就走咗去一個我係香港住咗三十年都未去過既地方 － 樂華南邨，唔知仲有冇東西北邨呢？

開檔無奈，有個操普通話既女人走埋黎，問我今日搵唔搵到黃洋達，話有野搵佢幫手，咁我唸住今日應該會幾忙，就叫佢星期一打去觀塘辦事處，阿力Darling你地啲普通話流利架呵！

我已經係少做街站，每個星期就係嗰一兩次，但每次都總有啲阿叔阿伯走埋黎講用粗口問侯，真係難為咗其他日日開街站既手足，究竟一個星期比人問侯咗幾多次呢？

今日派到差唔多十一點, 有個阿伯經過，咁我當然係派張傳單俾佢啦，次次我都係把漫畫個面向上派既，可能阿伯未見過啲咁Q既漫畫，就問我呢啲係乜鳩黎，咁我未話佢知呢張係反領匯既傳單，佢望兩望啲漫畫，好似冇乜興趣咁，就反過有教主皇上個樣嗰面又睇咗兩眼....... 嘿！ 即刻黎料，目露凶光咁對住我講 : 冚家剷，搞屎搞棍黑人憎，死鳩哂佢就最好。 唉！ 又一個，惟有唔望佢，等佢鬧兩句就走啦。 點知佢唔止鬧兩句，仲走埋啲，指住我話，你班友仔都冇鬼用，反啲唔反啲，推哂班撚樣落台呀嘛。 依！ 有啲怪喎，咁我就問佢你究竟話緊邊個呀？ 佢就用好不宵既眼光望住我講 : 咪班冚家剷官囉，你地都冇撚用，搞咁奈都搞唔撚掂！ 跟住就走咗囉......... 死啦，我應該俾咩反應呢？

差唔多收隊既時侯，有一班師奶唔知係飲完茶定係晨運完，浩浩蕩蕩咁經過，一開口就問我 : 靚仔，你係度派乜野呀，有野送呀。 咁我就更係好大聲咁講 －－

早晨, 我地係黃毓民團隊!

Shit！ 原來係我心深處，黃毓民先至係靚仔，唔係呀化........！

三十幾歲人先至黎企街 之一

        六 月十六日下午彩虹街站，遇見一位鐘婆婆，佢話認得黃洋達，因為一次阿達去派米粉派營養飲品(佢話係沖水飲個種)。 同佢傾咗十幾分鐘，佢講開話好鍾意飲個隻營養飲品，試過去買，但係話搵唔到。 佢話有尐公公婆婆真係好慘，而家尐野又貴到死，平時想買尐好少少既野食都唔得，佢話如果再有機會派野俾公公婆婆，唔使派個尐米粉，尐錢用黎買哂個尐營養飲品黎派就得喎。 不過佢知道我地錢唔多，有心就得啦。

        尐宣傳單張用 Cuson 尐漫畫真係既幾好，我派既時侯一定把漫畫嗰面示人。 連尐反人力既都接咗黎睇，見到佢地發現原來有毓民阿達個樣時都幾搞笑。

        有個穿著恤衫西褲既阿叔叫我傳話，叫毓民唔好搞事，唔好拉布。 我就笑笑口同佢講都係為公義，跟住反問佢有乜唔好，佢就只係不斷重覆話唔好搞咁多野，唔好拉布阻住哂, 實在有乜唔好又講唔出。 我就繼續笑笑口問佢咁到低有乜唔好呢？ 嘿 ..........  佢講佢既，我問我既，大家都好似九唔撘八咁，無幾奈佢就走咗，不過佢走時唔記得手裡仍然拎住張傳單，唔知佢有冇一直拎住返屋企呢？

        仲有一個阿伯，睇佢都七十有餘，不過就真係估佢唔到仲係好氣好力。 唔知頭唔知路接咗我張傳單，翻轉張傳單一睇，見到毓民同阿達個樣，即刻打咗個突，跟住用力把傳單搾埋一"舊"，雙腿用力一撐，較剪腳離地，腰背用力，單手把那一"舊"傳單用力一掟，命中路過的垃圾手推車上的垃圾桶，乾淨利落！

泯滅人性的七種陷阱

明天六月十日，請行出來，為李旺陽討回公道！

你說當年反官倒，反腐敗，爭取民主自由係反革命，你已經囚禁他廿二年。

監獄中他不肯接受洗腦改做，堅持為理想為正義向極權說不，你已經把他整盲整聾。

為什麼你還要把他整死？

雖然每個人走的路都不盡相同，但是我相信總會有交匯的一天。

公道自在人心，六月十日，請大家都要行出來，要共產黨血債血償！！