> 年初六去了台灣, 走到總統府門口, 影咗十五分鐘相, 最終發覺一直徘徊的原來只是後門. 但是走到前門, 不知如何反而覺得後門比較順眼...
> 離開總統府正門, 沿凱達格蘭大道直行, 不到十五分鐘, 到了二二八記念館.... 當看到二二八記念館的位置, 就建立在總統府前方, 頂心頂肺. 實在要給國民黨這個百年來大部份時間都是總統府主人家的氣度給個"LIKE"
> 未過正月, 財爺公佈預算案, 前有全城盡帶黃金甲, 後有全城盡插鬍鬚曾, 難得他本人還是老神在在, 有股雖千萬人吾往矣的氣慨.
> 老曾當然想置身事外, 可惜事與願違, 疑似給人兜心頂.... 當然拉了人啦, 扣留七個多鐘, 五百蚊擔保外出. 計我話, 老屈都要告啦, 殺雞警猴嘛... 不過老曾今次真係無乜風度, 政治人物, 有人示威請願, 收信收示威物品又有何難..伸伸手啫. 又何必搞到你推我撞, 有失斯文.
> 就當老曾疑似被人鬆了一掙不到廿四小時, 不知鬍鬚曾是不是心虛還是怕成為下個"受害者", 竟然大改財政預算, 大派銀紙六千銀.... 不過埋單計數, 原來只是多用了區區不到二百億.... 六千蚊, 除開一年每個月有五百銀, 阿婆阿公推紙皮去賣, 推到猴年馬月也掙不了這麼多錢. 你說這個鬍鬚仔有多涼薄? 小弟今拜下風, 人比人實在比死人...
> 個"靚仔"給警察扣留了七個鐘, 出黎開個記招說話都牙關打震... 驚青成咁, 點樣跟托洛斯基主義者去永久革命呀...!
> 不過, 派錢只是治標, 收幾廿萬一個月, 不是只懂做一些小學生都做到的事吧, 臉不紅, 氣不喘的.
