對香港人網，我想說的是．．．．

　　話哂都聽咗咁多年，一直都係人網的忠實支持者。 而作為教徒的我，竟然唔係因為毓民號召而親身參與政治活動，而係因為人網。 可想而之當我係一個星期前，聽到人網要結業，心情會有幾沉重。 可惜，經過這一星期，再看到這條片時，已經無哂感覺．．．甚至於．．．竟然有少少反感添．．．．．

反雙非，反自由行，反中共人

嚴格黎講，香港係一個難民城市，移民來港的當然不少，但比例不多。 取消抵壘政策以前，大陸人為了逃避天災人禍，走難黎香港這個英國殖民地。 我爸就係十幾歲時跟我阿爺走難落黎香港的。 本來我阿爺有田有地，祖上做過清官，有啲家底，因為共產黨，因為文化大革命，田地被沒收，小地主變開荒牛。 我爸有時候講翻係大陸生活時如何困苦，相信很多人都聴過唔少。幾十年前，係大陸生活，係要用糧票的，限住每人一個月可以分派到多少油，鹽，糖，米，肉等等生活必需品........ 而通常都係唔夠食既。 阿爸講細個時，有日實在係太肚餓，惟有去田偷掘蕃薯食。 掘咗兩個瘦身蕃薯出黎，煮好咗唸住食，點知就俾親叔搶哂兩個自己食，一個都唔留俾我阿爸。 當時，我爸只係得十歲...... 而這並非個別事件，當時當地，係一種常態。 所以為了生存，為了下一代，我爸只能冒險偷渡來港。

想當年，歐美日本台灣的遊客黎香港玩，醉酒鬧事，叫雞，一樣係乜衰野都會做。 我細細個時都見過鬼佬飲醉酒通街疴尿，係未見過疴屎咁誇張。 而香港人去外地旅遊，移民，一樣俾外地人話我地冇禮貌，不配合當地風土人情。 一樣係俾外國人鬧爆，一樣係會上當地報紙。 有很多人就會用這些例子去勸導或者指責反大陸人既行為 -- 既然我們當年能容忍歐美日本台灣客，同時我們香港人去到外國地方一樣受到同樣既責難，我地就應該學會包容，要給予時間大陸人改善佢地既行為，慢慢教化他們。 但係教訓我們的人忽略咗一個關鍵 -- 共產黨統治中國六十三年，無神論宣傳，三反五反，文化大革命，人性已經扭曲至不可能挽回。 我本來認為這個世界只分好人同壞人，但係這個道理中國不適用，中國係就係分兩種人，只不過一種係視害人為常態而理直氣壯的人，第二種就係準備受害而逆來順受的人。

幾十年前，黎到香港既係一班雖受苦受難，但意志不屈，反對極權，尋求生存既人。 而我這類第二，第三第四代人，雖然唔係走難來香港，但係我地遺傳同一種血性，受同一種教育，我們服膺普世價值，就算行為或因種族，地區，而有所差異，但係我們會尊重不同的文化，互相體諒，互相學習，盡量配合。 就算我們不能一下子改正過來，我們起碼有自知之明，懂得分事非黑白，錯可能無改，最起碼錯咗一定會認！ 幾十年後既今日，黎香港既大陸人，我敢說大部份都是我說的第一類人，視害人為常態，已經習慣這種生活的人。 試問我們又怎能用相同的標準去對待這種人？ 以德報怨，何以報德？以直報怨，以德報德！ 那些大義禀然教訓我們的人應該要明白，如果我們唔係咁樣做，我們就會慢慢變得跟那些準備受害而逆來順受的人沒有分別。 這是不孝，罪惡，因為我們白白浪費了上一輩冒生命危險換來的機會！

天與地

"人"這一種生物真的很獨特，我唔清楚係第二個星球有沒有，不過係地球一定無可能找到另一種類似的物種。 我們每一個人都曾經思考一些自由人類開始到現在為止都無辦法搞清楚的問題。 今次呢套戲由"食人"開始去勾起我們的反思，很血腥，但很真實。

我主要想說的，其實是戲中人物所說的每一種道理。 劇中有很多獨白，特別係葉梓恩(佘詩曼)做DJ，講野特別多。 其實所講的也不是什麼新穎的大道理，大部份都係啲阿媽係女人既道理 (太普通的道理，懶得打)。但就係呢啲文戲，吸引我用幾晚時間，係deadline之前，睇唒廿九集，而睇完呢廿九集，我發覺原來有時侯，我真係會唔記得阿媽係女人既...... 如果呢個世界所有既人都記得，我非常有信心呢個世界會比現在更好。

而身處絕地，食人就係咪可以體諒呢件事呢？ 本身就係無解。 正如戲中所言，我們可以體諒身處絕景的北極熊食小熊，為何對同樣身處絕地的人食人深惡痛絕？ 我想，無人能夠解釋，而且我唔認為係套戲既重點，就不去說了。

新聞報導背後的事實真相

除了娛記會斷章取義，原來做時事新聞的記者也是一丘之駱。所謂"先否決，後總辭"，黃毓民和訪問他的記者說了很多次只是自己想出來，只是想反駁民主黨說怕失去否決權的論點，而社民連必會如期十二月底請辭，竟然無一份報紙如實報道！ 幸好如今有Internet，才有機會知道事實真相，不會強逼接受時下卑鄙的傳媒一面之詞！

聽完便知曉事實真相 http://www.youtube.com/watch?v=hWIPWLZWDVk

事後，黃毓民把九分鐘的錄音轉寄給各傳媒機構，而無一理會！