反抗的代價

　　有線重播緊昂山素姬，有幾段戲講佢被軟禁在家時彈鋼琴，令門外守衛稍微鬆懈，寫橫額教守衛何為民主人權。 

　　香港都有一班人係咁做，通常着住白色衫，係呀，我就係講緊嗰班左膠。 佢地經常都和平地唱歌開集思會，真係學到十足十。 不過，佢地唱完歌開完集思會就當係抗爭勝利可以回家安心睡覺，因為門口唔會有人拎住支槍隊住你個頭提醒其實從來都無羸過。

　　革命不是請客吃飯，就算請客吃飯都有付帳，做任何事，想得到咩結果，就必需要付出相應既代價。 對抗一個有錢有槍既獨裁政權，代價就必定是驚為天人，絕對唔止係唱吓歌開吓集思會咁小兒科。 除非你根本就無唸過羸，只不過係想一直悲情下去。

　　昂山素姬被軍政府軟禁時彈琴寫大字布係因為當時當刻一個手無寸鐵既女人就只可以做到咁多。 當佢能踏出家門時一樣係四處奔走用行動抗爭，已經無時間再彈鋼琴寫大字布，又或者，連丈夫最後一程都送唔到。