自力更生 -- 香港人網結業

　　我認同陳雲，黃洋達，佔領中環很大機會變成"鳩做"；亦好似黃毓民一樣，認為除了佔領中環以外，還有好多方法可以做； 不過，我亦唔反對蕭若元講的步步進逼，佔領中環原則上並無任何問題，只係執行既人，處理既方法或有不善，但係唔代表佔領中環就唔應該推行，斬腳趾避沙蟲可謂愚不可及。 只要沒有偏離做人原則，三種主張我都支持，唔通我又會變成了三頭黃金龍？

　　香港人網做埋今個月執笠，始終聽咗九年，一定有啲唔捨得。 但係，今日再不似九年前，香港主流電台開始加緊自我審查，名嘴封咪，要搵一個平台發聲既時期。 亦因為呢個因由，人網的確對香港既進步民主派有極大的幫助，於主流傳媒封殺之下，人網提供了一個給不同意見的人發聲的平台，功不可沒。  但係，今時今日，網台百花齊放，人網是不是繼續營運下去，真的對時局冇以前咁大影響了。 而我亦相信，蕭若元先生亦都有考慮到這一點，如果早幾年，無論受到多少壓力，外間多少責難，蕭若元先生一定不會作出這個決定。

　　今日的人網再非必要，香港人網，已經完成了他的責任。 正如蕭若元先生所說，我們不應再依賴，係時候，我們應該靠自己了。