我依然是......

有感而發。

其實四年前加入熱血既時候，正正係我最失意既時候，由細到大我都覺得每一件事都可以幸運地轆過，咁啱嗰次就係我第一次轆唔過。所以失敗後我就消失了，電話唔聽，人唔出現，等到我平伏下來既時候都無所謂現唔現身了。

直至兩年前，我被一個夜麻麻都帶住頂CAP帽既麻甩佬係銅鑼灣截住咗，叫我去東角道守住個鐵馬。 屌呀，估唔到仲有人記得我，叫得出我個名。就係咁我就歸隊了。

今年，再重複做四年前既事，而又一次失敗了。

四年前失敗，我覺得傷心。

四年後失敗。我只覺擔心。

九月五日下午瞓醒之後

明明有一個機會，可以先苦後甜地和平變革，點解每一次都係調轉?  雖然可以將苦難推遲，但只要現在辛苦一點，艱苦一點，最多帶來一點皮外傷，而推遲後的苦難定必傷筋動骨。以未來的苦難換取眼前短暫的海市蜃樓，真以為物超所值?

有得必有失，條路自己揀，仆街唔好喊。