THE INTERN 《見習無限耆》

　　吸引我入場睇既原因，就緊係 Anne Hathaway 啦。 如果要搵人飾演白雪公主，佢係我心目中第二順位人選〈第一位係 Winona Ryder〉。 轉眼之間，就由 The Devil Wears Prada 初出茅廬的清新女孩，變成事業有成的職業人妻，仲要生埋個女添，不過仍然係咁正！

　　故事本身其實無乜特別，就係講兩個都正在經歷人生轉變時期的人相遇。 一個無所事事既退休老人，想辦法避免悶出草菇來。 另一個只用十八個月時間創業，由廿五人的小公司建立成兩百多人的大型網購公司漂亮女強人，同時面臨婚姻危機。 戲入面的情節雖然較偏重 Anne Hathaway 如何從 Robert Deniro 的豐富人生經驗幫助下舒解了面對來自工作與婚姻帶來的沉重壓力，找回自己想走的道路，不再勉強改變自己。 但正如 Deniro 戲中所講，他由衷佩服 Anne 奮鬥既成績，他重來都沒達到的成就。 他又何嘗不是從 Anne 所給予的機會之中，找到新的精神寄託呢。

　　不過咁，呢套戲有一點會令人幾沮喪。

Robert Deniro 真係型到爆，真係好難怪有女人會鐘意老野，係呢個世界，真係有啲老野係無得輸。

　　不要誤會，劇情係唔會突然轉去忘年戀咁老土，純粹有感而發啫。