原來曾俊華知道點寫份預算案能得到大眾掌聲

今天睇新聞，曾俊華上電台講解財政預算案。佢話知道點寫份預算案能得到大眾掌聲，不過佢唔想為掌聲而派糖咁話。言下之意，佢係一個務實既人，不虛偽，不假大空，務實，同佢老細視民望如浮雲實有二曲同工之妙。

我聽到火都黎埋，乜原來全世界得佢老哥係正人君子，得佢老哥識得分好壞，明事理。其他人都係傻既，白痴既，唔識分好壞。三歲都知只有做事正確，先會得到其他人稱讚，掌聲，唔通你答一加一等於三，其他人讚你叻仔咩，啲海豚海狗都知動作做對了才有魚食啦。

叫你幫吓啲日做夜做，都就黎冇飯開既弱勢社群 (其實有啲已經冇飯開)，你唔聽。叫你幫吓啲阿公阿婆，又唔聽。話要好天收埋落雨柴，啲錢係等過幾年經濟更差時用既。但係叫你減少少人工，共渡時艱，你又識得話個幾千萬無乜幫助。My God！！　原來幾千萬都係細數目。好啦，唸住你無寶不落，中產對推動經濟發展有好大幫助，你會幫吓啲中產啦，又係無料到，交十萬稅退得個六千，退條能咩，供半個月樓都未夠啦。成份預算案，長係夠長啦，可惜只係一塊爛鬼扎腳布，長夾臭。當全世界財金官員係到日唸夜唸點樣可以令經濟盡快復原。你就收幾廿萬淨係識得企係度等運到。仲要話其他人係錯既，得你一個清醒，得你一個係明白事理，全世界都黑白不分。歪曲事實，指鹿為馬，含血噴人，倒果為因，如果重做成語動畫廊，要解釋這類成語，佢就係一個好得不能再好既人辦！

做份預算案出黎，冇人讚不特止，而家俾人鬧，俾人掃枱，就係因為你做錯咗，做錯要認，打就企定。張柏芝都明白呢個道理，你老哥大人幾廿年，唔係真係唔明呀嘛，唔通你仲係"好傻好天真"咩！

爬滿了蚤子的華美衣袍

張愛玲說：「生命是一襲華美的袍，爬滿了蚤子。」

已經不能肯定是那時知道張愛玲說了這句話，大約是讀中學時吧。簡潔易懂，十數字已經好像一幅畫般呈現眼前，比「人之初，性本善」生動得多。

隨年歲漸長，開始有些不一樣的感受，總覺得字裡行間透出了一點點無可奈何。有時候人便身不由己，明知非己所願，並非好事，只因選擇不多，總不能把袍子脫掉，只能屈服，接受。

不過，那一隻蚤子是爬上來，那一隻是自個兒放上身，就不得而知了！

年紀再大一點時，不知道又會有什麼想法呢？ 暫時，只希望自己這身衣袍上面的蚤子爬得比別人少，只有這樣想了！

先知

要掌握一個人的一生已經非常困難，太多意外，太多驚喜，把時間延長至一千幾百年，擴闊至整個世界，更非人力可以預言。你不能改變現狀，並不等於其他人不可以，你認為世界只會向著你能看見的路直轉，偏偏路上多了一粒你看漏的石子，整個世界的方向因而改變。依靠將來某個時間點的某一個人或某一件事去拯救世界當然消極，但世事總會出人意表，生命總會找到你想不到看不見的出路。最好不要妄想做出超出能力太多的事情，說到底一千幾百年後的你都只會是一條乾屍。

掌握數十年的變化已經超凡入聖，就不要妄圖掌握神佛也不能控制的事情。

給古往今來能預言未來的先知。